Жаңа оқу жылынан бастап Қазақстан мектептерінде маңызды өзгерістер күшіне енеді

Оқу-ағарту министрлігі оқушыларға түсетін жүктемені азайту, қауіпсіздікті арттыру және білім беру жүйесін заман талабына сай модернизациялауға бағытталған жаңа реформаларды ұсынады, деп хабарлайды Аlmaty.tv.

1–4 сынып оқушылары үшін бөлім бойынша жиынтық бағалау (БЖБ) мен тоқсандық жиынтық бағалау (ТЖБ) толығымен тоқтатылады. Бұл жүйе балаларға артық психологиялық салмақ түсіргені анықталды. Оның орнына ағымдағы бақылау формалары — диктанттар, бақылау жұмыстары, практикалық және шығармашылық тапсырмалар жүргізіледі.

Оқу бағдарламасына жаңа міндетті курстар енгізіледі:

• «Конституция негіздері» — 5–7 сыныптар үшін;
• «Заң және тәртіп» — 8–11 сыныптар үшін;
• «Жеке қауіпсіздік» — 5–11 сыныптар үшін (өмірлік дағдылар мен төтенше жағдайлардағы қауіпсіздікті үйрету);
• «Құқық негіздері» — барлық оқушылар үшін міндетті пәнге айналады.

Сонымен қатар, цифрлық сауаттылық пен информатика сабақтарына жасанды интеллект негіздері біріктіріледі. Пәндер «Цифрлық сауаттылық және ЖИ» (1–4 сыныптар) және «Информатика және ЖИ» (5–11 сыныптар) болып өзгертілді. Павлодар мен Қызылорда облыстарындағы шағын жинақты мектептерде ЖИ қолдану бойынша пилоттық жоба басталады.

Пәнге бұрынғы «А алғашқы әскери дайындық» (АӘТ) атауы қайтарылып, бағдарламасы толық жаңартылды. Оқытушылардың біліктілігін арттыру әскери оқу орындары базасында жүргізіледі.

Сондай-ақ, оқулықтарды кезең-кезеңімен жаңарту жоспарланған. 2026 жылдың тамыз айының соңына дейін 3-сыныптарға арналған негізгі пәндер мен 7-сыныптың «Дүниежүзі тарихы» бойынша жаңа оқулықтар жеткізіледі.

Сабақ барысында оқушыларға ұялы телефонды пайдалануға тыйым салынады (сабақ жоспарына сәйкес қажет болған жағдайларды қоспағанда). Телефондарды сақтау тәртібін әр мектеп өзі белгілейді.

30 тамыздан бастап балаларды профилактикалық медициналық тексерудің жаңа ережелері енгізіледі:

• Тексеру аясы кеңейтілді (қан қысымын өлшеу, ЭКГ, қан мен зарып сараптамалары белгіленген жас кезеңдерінде жүргізіледі);
• 10 жастан бастап жыныстық даму, ал 12 жастан бастап қыздардың репродуктивті денсаулығы тексеріледі;
• Дәрігерлер балаға жасалуы мүмкін қатыгездік немесе тиісті күтімнің жоқтығы белгілеріне де назар аударады.
• Тексеру нәтижелерін ата-аналар цифрлық медициналық жүйелер мен мобильді қосымшалар арқылы ала алады.