Меншікті өндіріс
Біз әлеуметтік желілердеміз
Нұрғиса Тілендиевтің жары, актриса Дариға Тілендиева өмірден өтті
Суыт хабарды Құрманғазы атындағы Қазақ ұлттық халық аспаптар оркестрінің баспасөз қызметі жариялады
Бүгін, 11 наурыз күні Қазақстанның еңбек сіңірген актрисасы Дариға Тілендиева өмірден озды. Дариға Тілендиева күйші, сазгер, Халық қаһарманы Нұрғиса Тілендиевтің жары, деп хабарлайды Almaty.tv.
Суық хабар Құрманғазы атындағы Қазақ ұлттық халық аспаптар оркестрінің ресми парақшасында хабарланды.
«Дариға Тілендиева ұлттық мәдениетіміздің дамуына сүбелі үлес қосқан көрнекті өнер иесі. Ол Халық қаһарманы, күйші-композитор Нұрғиса Тілендиевтің өмірлік жары ғана емес, сазгердің шығармашылық мұрасын сақтап, кейінгі ұрпаққа жеткізген тұлға болды. Дариға Тілендиева «Қазақфильм» киностудиясында түсірілген «Алты жасар Алпамыс», «Құлагер», «Ақ машина», «Жамбылдың жастық шағы», «Қоштасқым келмейді» сынды көркем фильмдері арқылы, ұлттық кино өнерінде өшпес із қалдырды. Дариға Тілендиеваның өнері мен рухани мұрасы қазақ халқының жүрегінде мәңгі сақталады», - деп жазған оркестр.
Оқи отырыңыз: Бірыңғай уақыт белдеуінің өзгеруі халық өміріне теріс әсер еткен жоқ - Арман Шаққалиев