Онлайн-алаяқтық: Бас прокуратура iPhone иелеріне ескерту жасады

ҚР Бас прокуратурасының Құқықтық статистика және арнайы есепке алу жөніндегі комитетінің Қылмыстық қауіп-қатердің және қоғамдық қауіпсіздіктің тәуекелдерін болжау орталығы iPhone иелеріне қатысты интернет-алаяқтықтың қаупі туралы ескертеді, деп хабарлайды Almaty.tv.

Ведомство мәліметінше, шетелдік дереккөз ақпаратына сәйкес зиянкестер адамдарға Apple атынан жалған табылған iPhone-ның моделі, түсі және жадының көлемі көрсетілген жалған SMS немесе iMessage-ті, фишингтік сілтемені қоса тіркей отырып, жолдайды, осылайша хабарламаның жалған еместігі туралы әсер туындайды.

«Бекітілген сілтеме бойынша өту арқылы, пайдаланушы Apple Find My сервисіне визуалды ұқсас жалған парақшаға түседі, ол Apple ID логині мен паролін алаяқтарға жолдайды. Бұл зиянкестерге iPhone-ның қосылуын құлыптауды айналып өтуге, құрылғыға және жеке ақпаратқа қол жеткізуге мүмкіндігін береді», - делінген прокуратура хабарламасында.

Прокуратура өкілдері қауіп-қатердің көрсетілген түрі белсенді түрде таралуын ескере отырып, қатаң түрде келесі іс-шараларды ұстануды ұсынады:

• күмән тудыратын сілтемелер бойынша өтпеуді;
• жоғалған құрылғының құлыптау экранында байланыс ақпаратын көрсету үшін бөлек электрондық поштаның мекенжайын пайдалануды;
• SIM-картаға қол жеткізуді қиындату үшін оны PIN-кодпен қорғауды;
• құрылғыны тек icloud.com/find арқылы тексеруді. Сақ болыңыздар, киберқауіпсіздік талаптарын сақтаңыздар.

Оқи отырыңыз: Алаяқтарға алданып қалмаудың 5 негізгі ережесі – полицейлер кеңесі