Әлеуметтік желідегі заңсыз ойын: Астанада екі азамат жауапқа тартылды

Астанада әлеуметтік желілер арқылы заңсыз құмар ойын ұйымдастырған екі азамат жауапқа тартылды, деп хабарлайды Almaty.tv.

Сот екі қылмыстық іс бойынша прокурордың талаптарын толық қанағаттандырды.

Нәтижесінде Instagram және TikTok әлеуметтік желілерінде заңсыз ойын ұйымдастырған тұлғалардан 124,8 млн теңгеден астам қаражат өндірілді.

Прокуратураның мәліметінше, арнайы лицензиясыз интернет арқылы құмар ойындар мен лотерея ұйымдастыру қылмыстық құқық бұзушылық болып саналады.

Мұндай әрекет үшін мүлікті тәркілеу, белгілі бір қызметпен айналысу құқығынан өмір бойына айыру, сондай-ақ 7 жылға дейін бас бостандығынан айыру жазасы қарастырылған.