Пакетная фабрика: компанияға жеңілдетілген қаржы бөлінді

«Жасыл даму» АҚ 3%-бен және 15 жылға дейінгі мерзіммен, төлемдерді екі жылға дейін кешіктірумен қоқыс өңдеу зауыттарын салуға қаржыландыру береді, деп хабарлайды Almaty.tv.

Қазіргі таңда әкімдік тарапынан ұсынылған 67 жобаның 43-і қалдықтарды қайта өңдеуге бағытталған.

Олардың бірі - Маңғыстау облысындағы «Пакетная фабрика» ЖШС компаниясының жобасы. Компанияға 585 миллион теңге көлемінде қаржыландыру қолдау көрсетілді. Бұл жоба «Жасыл даму» АҚ және «Өнеркәсіпті дамыту қоры» АҚ бірлесе отырып, қоршаған ортаның жағдайын жақсартуға және қалдықтарды қайта өңдеу деңгейін арттыруға бағытталған.

«Пакетная фабрика» ЖШС жобасы қағазды қайта өңдеуді дамыту және жылына 3 мың тонна қағаз өңдеу қуатымен экологиялық таза қаптама өндіруге бағытталған.

Бұл жоба Қазақстанның «жасыл экономикаға» көшуі жөніндегі тұжырымдамасын іске асыруға үлес қосады. 2030 жылға дейін тұрмыстық қатты қалдықтарды өңдеудің деңгейін 40%-ға, 2050 жылға дейін 50%-ға жеткізу жоспарлануда.

Министрлік «Жасыл даму» АҚ арқылы мемлекеттік қолдау алған кәсіпорындардың қызметін әрі қарай жариялап отыратын болады.

Оқи отырыңыз: МСАК-тың 550-ден астам маманы біліктілігін арттыру жылы шеңберінде оқуға кірісті