Париж қаласында қырғыз-қазақ айтысы өтеді

17 мамырда Париж қаласында қырғыз-қазақ айтысы өтеді, деп хабарлайды Almaty.tv.

Бұл туралы Жогорку Кенештің отырысында депутат Мирлан Самыйкожо айтты деп жазды КАВАР.

Халықаралық айтыс сайысы Қырғызстан тарихында алғаш рет ұйымдастырылып отыр. Іс-шара Қырғызстанның Франциядағы елшісі Садық Шер-Ниязбен бірлесіп ұйымдастырылады.

«Біз Жогорку Кенеш депутаты Шайырбек Ташиевпен және елші Садық Шер-Ниязбен бірге мәдениетімізге үлес қосу мақсатында қырғыз-қазақ айтысын өткізуді шештік. Бұл – болашақ үшін маңызды тарихи оқиға. Қырғыз сөзі, қырғыз тілі бүкіл әлемде шырқалса, комуз әлемнің түкпір-түкпірінде әуелесе, ал біздің ақындар халықтардың бірлігі мен ынтымағын, қырғыздар мен қазақтардың достығын жырласа, өте жақсы болар еді, — деді Мирлан Самыйкожо.

Оқи отырыңыз: Алматыда «Музей түні - 2025» мәдени-білім беру акциясы өтеді