Павлодар облысында өгей әке үстелді жинамағаны үшін баланы соққыға жыққан

Павлодар облысында баласын ұрып-соққан өгей әкенің үстінен қылмыстық іс қозғалды, деп хабарлайды Аlmaty.tv.

Облыстық полиция департаментiнен хабарлағандай, оқиға 4 наурызда болған.

«Өгей әке кәмелетке толмаған өгей баласын үстелді жинамағаны үшін ұрғаны анықталды. Бастапқыда заңды өкіл өтініштен бас тартқан», - делінген хабарламада.

Қазіргі кезде кәмелетке толмағанды ұрып-соғу фактісі бойынша қылмыстық іс қозғалды.

Оқиғаның мән-жайы мен себептері тергеу барысында анықталатын болады.

Сондай-ақ өтініштен бас тартқан ананың тәртібі кәмелетке толмағандардың істері және олардың құқығын қорғау жөніндегі комиссияда қаралатын болады.

Оқи отырыңыз: Қаржы пирамидасын ұйымдастырғандар салымшылардың 50 млн теңгесін алып кеткен