Президент Мемлекеттік ту көтеру рәсіміне қатысты

25.10.2024 10:01

Ұлттық мерекені Республика бойынша ресми түрде атап өту осы салтанатты шарадан басталды

Қасым-Жомарт Тоқаев ұлық мереке – Республика күніне арналған Мемлекеттік ту көтеру салтанатты рәсіміне қатысты. Іс-шара «Ақорда» резиденциясының алдында өтті, деп хабарлайды Almaty.tv тілшісі Ақордаға сілтеме жасап.

Құрмет қарауылының бастығы Президентке рапорт берді. Бұдан кейін Қасым-Жомарт Тоқаевтың бұйрығымен Мемлекеттік ту көтеріліп, Әнұранымыз шырқалды.

Баршаға белгілі, Мемлекет басшысы Республика күніне орай өткен салтанатты жиында сөйлеген сөзінде еліміздің Егемендігі туралы декларация қабылданған бұл күнді қасиетті Тәуелсіздігіміздің бастауы деп баға берген болатын.

Ұлттық мерекені Республика бойынша ресми түрде атап өту осы салтанатты шарадан басталды. Сонымен қатар Қазақстанның барлық өңірінде Мемлекеттік ту көтеру рәсімі өтеді.

Оқи отырыңыз: Қасым-Жомарт Тоқаев Қазақстан халқын Республика күнімен құттықтады

Теги: президент Мемлекет басшысы Казахстан казахстанцы Астана столица Президент РК Касым-Жомарт Токаев флаг праздник День Республики Акорда
Алдыңғы жаңалық
Еліміздің барлық өңірінде алғашқы қоңырау соғылды
Келесі жаңалық
Олжас Бектенов қазақстандықтарды Республика күнімен құттықтады