Меншікті өндіріс
Біз әлеуметтік желілердеміз
Президент New Generation School Astana ғимаратына барды
Қасым-Жомарт Тоқаев оқу кабинеттерін, кітапхананы, спорт залын аралап көрді
Елорда нысандарын аралау барысында Мемлекет басшысы Нұра ауданында орналасқан NGS Astana жеке меншік білім беру мекемесінің жұмысымен танысты, деп хабарлайды Аlmaty.tv.
1320 оқушыға есептелген мектеп жаратылыстану-математика және әлеуметтік-гуманитарлық бағыттарында білім береді. Әсіресе, математика мен ағылшын тілі тереңдетіп оқытылады.
"Оқу-тәрбие жұмысын ұйымдастыруға қажетті барлық жағдай жасалған. Оқушылар үш мезгіл тамақтандырылады. Ерекше білім алу қажеттілігі бар балаларға қолайлы орта қарастырылған", - делінген хабарламада.
Қасым-Жомарт Тоқаевқа мектеп құрылысының бизнесті мемлекеттік қолдау шаралары аясында бой көтергені жөнінде баяндалды. Қаржының 40 пайызын «Даму» қоры кредит ретінде бөлген.
Президент оқу кабинеттерін, кітапхананы, спорт залын аралап көрді.
Оқи отырыңыз: Президент Tanym көпфункционалды кешенін аралап көрді