Шерзат Полаттың ағасының өліміне қатысты қылмыстық іс тоқтатылды

Талғар маңында қаза тапқан Шерзат Полаттың ағасы Нұрқанат Ғайыпбаевтың өліміне қатысты қылмыстық іс тоқтатылды, деп хабарлайды Almaty.tv.

Құзырлы органдар оның өз-өзіне қол жұмсағанын мәлімдеді. Бұл туралы отбасының адвокаты Мейірман Шекеев Instagram парақшасында хабарлады. Алайда марқұмның туыстары бұл қорытындымен үзілді-кесілді келіспей, істі қайта қарауды талап етпек. Қорғаушының айтуынша, қылмыстық іс 7 айдан соң тоқтатылған.

Еске салсақ, Нұрқанат Ғайыпбаевтың денесі былтыр желтоқсанда Талғар маңындағы сайдан табылған еді. Іс суицидке итермелеу бабы бойынша қозғалған. Полиция марқұмның денесінен зорлық-зомбылық белгілері табылмағанын айтқан болатын.

Оқи отырыңыз: Маңғыстау облысында бас есепші сотталды