Меншікті өндіріс
Біз әлеуметтік желілердеміз
Олардың қатарында 119 азамат сайлауға алғаш рет қатысты
Радиоэлектроника және байланыс әскери-инженерлік институтында білім алып жатқан курсанттар мен күзет ротасының мерзімді әскери қызметтегі сарбаздары жалпыұлттық сайлауға белсенді қатысты, деп хабарлайды Almaty.tv.
Таңғы сағат 6:00-ден жұмысын бастаған №143 арнайы жабық сайлау учаскесінде 530-дан астам курсант пен сарбаз өз таңдауын жасады. Олардың қатарында 119 азамат сайлауға алғаш рет қатысты.
Учаскеде сайлау процесінің ашықтығы мен заң талаптарына сай өтуін қамтамасыз ету үшін 5 комиссия мүшесі мен 1 байқаушы жұмыс істеді.
Ал институттың оқытушылық құрамы сайлауға тұрғылықты жерлері бойынша қатысып, отбасы мүшелерімен бірге өз таңдауларын жасады.
Еліміздің қоғамдық-саяси өміріндегі маңызды оқиғаға айналған Құрылтай сайлауында әр әскери қызметші өз таңдауын жасап, ел болашағына қатысты азаматтық ұстанымын білдірді.
Оқи отырыңыз: Мемлекет басшысы конституциялық өзгерістерден кейінгі міндеттерді атады