Талдықорғанда 17 жыл халықаралық іздеуде болған ер адам ұсталды

Жетісу облысында 17 жыл халықаралық іздеуде болған ер адам ұсталды, деп хабарлайды Almaty.tv тілшісі Polisia.kz сайтына сілтеме жасап.

Талдықорғанда полицейлер ұзақ жыл бойы жасырынған 54 жастағы ер адамды ұстады.

Деректерге сәйкес, ол 2008 жылдың 15 мамырынан бастап есірткі қылымысымен айналысқаны үшін халықаралық іздеуде болған.

"Мұндай әрекет үшін 10-15 жылға дейін бас бостандығынан айыру жазасы қарастырылған. Ұсталған адамға полицейлер тиісті шара қолданып жатыр. Аталған іс бойынша барлық жағдайлар тергеу барысында мұқият тексеріледі", - делінген хабарламада.

Оқи отырыңыз: Алматыда Республика күніне орай 2000-нан астам мәдениет және жастар өкілі қатысқан ауқымды флешмоб өтті