Меншікті өндіріс
Біз әлеуметтік желілердеміз
Таразда Ұлттық ұлан сотталғанға телефон жеткізу әрекетін тоқтатты
Сәлемдемені сотталған азаматпен кездесуге келген тұрғын тапсыруға тырысқан
Таразда Ұлттық ұлан әскери қызметшілері сотталғанға телефон жеткізу әрекетінің жолын кесті, деп хабарлайды Almaty.tv тілшісі ведомствоның баспасөз қызметіне сілтеме жасап.
Тараз қаласындағы түзеу мекемелерінің бірінде ҚР ІІМ Ұлттық ұланының әскери қызметшілері режимдік нысан аумағына тыйым салынған заттарды өткізу әрекетін дер кезінде тоқтатты.
Қысқа мерзімді кездесу кезінде сәлемдемені тексеру барысында, жеткізу мен кездесулерді бақылау бөлмесінде (ЖКБ), Ұлттық ұланның кезекшіліктегі әскери қызметшілері мен ҚАЖ қызметкерлері бірлесіп, ылғал майлықтардың қаптамасынан 1 ұялы телефон мен 2 USB зарядтау шнурын тапты.
Сәлемдемені сотталған азаматпен кездесуге келген тұрғын тапсыруға тырысқан.
Тыйым салынған заттарды өткізуге әрекеттенген азамат әкімшілік жауапкершілікке тартылады. Ал тәркіленген заттар сараптамаға жіберілді.
Айта кету керек, қылмыстық-атқару жүйесі мекемелерінде заңдылық пен тәртіпті қамтамасыз ету – ҚР ІІМ Ұлттық ұланының маңызды міндеттерінің бірі саналады.
Оқи отырыңыз: Бразилияда Димаштың суретімен безендірілген автобустар жолға шықты