Тегін дәрі-дәрмектерді сатқаны үшін қатаң шаралар қолданылады

Денсаулық сақтау министрлігі дәріханаларда тегін дәрі-дәрмектерді заңсыз сатқандарға қатаң шаралар қолданатын болады. Бұл туралы Үкімет отырысында денсаулық сақтау вице-министрі Тимур Мұратов мәлімдеді, деп хабарлайды Almaty.tv.

Оның айтуынша, мұндай фактілерді анықтау 2024 жылдың шілдесінен бастап енгізілген дәрілік заттарды таңбалау және қадағалау жүйесінің нәтижесінде мүмкін болды.
 

«Бүгінгі күні дәрілік заттар нарығының барлық қатысушылары таңбалау жүйесіне қосылған. Бұл қадағалау мен реттеу тиімділігін арттыруға ықпал етеді. Таңбалау жүйесін енгізу дәрілік заттардың айналым ашықтығын арттырды. Таңбалау жүйесінің көмегімен тұрғындарға тегін берілген амбулаториялық дәрілердің дәріханаларында сату фактілері анықталды.

Анықталған заңбұзушылықтар бойынша Денсаулық сақтау министрлігінің Медициналық және фармацевтикалық бақылау комитеті мен Бас прокуратура бірлесіп жоспардан тыс тексерулер жүргізуде. Министрлік осындай заңбұзушылықтарға жол берген субъектілерге қатысты қатаң шаралар қабылдайтын болады»,— деді Тимур Мұратов.

Ол осы жылдың желтоқсан айында медициналық бұйымдар мен биологиялық белсенді қоспаларды таңбалау бойынша пилоттық жоба басталатынын атап өтті.

 Денсаулық сақтау министрлігі дәрі-дәрмекпен қамтамасыз ету процестерін оңтайландыру және қауіпсіздікті арттыру үшін жасанды интеллекті белсенді пайдалануды жоспарлап отыр. 

«Министрлік дәрі-дәрмектерді жоспарлау және уақтылы жеткізу кезінде ЖИ-ді пайдалануды жоспарлап отыр. Жасанды интеллект жалған рецепттерді анықтау үшін де қолданылады»,
 — деді Тимур Мұратов.

Вице-министр ЖИ енгізу жөніндегі жұмыс Президенттің саланы ауқымды цифрландыру бойынша берген тапсырмалары шеңберінде жүзеге асырылып жатқанын атап өтті.

Медициналық ақпараттық жүйелерде электрондық рецепт жазу мен дәрі-дәрмекпен қамтамасыз етуді біріктіру нәтижесінде рецепт рәсімдеу және жазып беру тиімділігі едәуір артып, рецепт беру уақыты 2 есе қысқарды.

Сонымен қатар «Әлеуметтік әмиян» жобасы аясында «e-Densaulyq», «Halyk», «БСК», «Face ID», SMS-кодтар және басқа да цифрлық тетіктерді пайдалана отырып, 708 медициналық ұйымда 10 млн-нан астам электрондық рецепт жазып берілд

Оқи отырыңыз: Медицина мамандарының басым бөлігі 400 мың теңге жалақы алып жүр - Тимур Мұратов