Түркістан облысында 1 млн теңге бопсалаған блогер ұсталды

Түркістан облысында 1 миллион теңге бопсалаған блогер ұсталды, деп хабарлайды Almaty.tv тілшісі Рolisia.kz-ке сілтеме жасап.

Тергеу мәліметтері бойынша, Сарыағаш ауданының 34 жастағы тұрғыны мектептерде білім беру жобасын жүзеге асыруға кедергі келтіремін деп қорқытып, ұйымдастырушылардан 1 млн теңге талап еткен.

"Тексеру кезінде ұсталған адамнан қаражат аударылған сомасы бар банк картасы мен журналистің қызметтік куәлігі табылды", - делінген хабарламада.

Күдікті өңірде блогер ретінде танымал, әлеуметтік медиа парақтарын белсенді жүргізеді.

Бопсалау фактісі бойынша қылмыстық іс қозғалды, тергеу амалдары жүргізіліп жатыр.

Оқи отырыңыз: Қарағанды облысында жоғалып кеткен 50 шақты жылқы мұз астынан табылды