Түркістан облысында жоғалған жасөспірімдер табылды

Түркістан облысында кәмелетке толмаған екі турист адасып кетті, деп хабарлайды Almaty.tv.

Кейіннен олардың кешкі уақытта ата-анасыз жүргені анықталған. Қос жасөспірім 4 сағат бойы іздестіріліп, «Сайрам-Өгем» ұлттық паркінің аумағынан табылды. Абырой болғанда, жеткіншектер аман. Төтеншеліктер саяхатшыларды геолокация арқылы тауып алыпты. 

 «Түркістан облыстық ТЖД 2 жеке құрам, 1 техника жұмылдырылып, сағат 21:40-та ұшқышсыз ұшу аппаратының көмегімен таудан 255 м биіктіктен табылып, төменге түсірілді. Медициналық қызмет қажет етпейді, ата-анасына табысталды», – деді Төтенше жағдайларды жою басқармасының инженері Ақарыс Омар.

Оқи отырыңыз: Шымкентте жаяу жүргіншіні қағып өлтірген жүргізуші сотталды