Меншікті өндіріс
Біз әлеуметтік желілердеміз
Түркістан облысындағы таудан адасып кеткен ер адам құтқарылды
Ол аман-есен қауіпсіз жерге түсірілді, медициналық көмек қажет болмады
Түркістан облысында Төтенше жағдайлар министрлігінің қызметкерлері таулы аймақта құтқару операциясын жүргізді, - деп хабарлайды Almaty.tv.
Оқиға туралы хабарлама Төтенше жағдайлар департаментінің «112» пультіне түскен: Қазығұрт ауданы Атбұлақ ауылының маңында ер адам тау шыңынан өз бетінше түсе алмай қалған.
Оқиға орнына құтқарушылар дереу аттанды. Олар ер адамды тапқанға дейін қиын өткелдері бар таулы аймақпен шамамен 10 шақырым жол жүруге мәжбүр болды.
Осыдан кейін ТЖМ қызметкерлері оған қажетті көмек көрсетіп, таудан аман-есен қауіпсіз жерге түсірді. Зардап шегушіге медициналық көмек қажет болмады.
Құтқарылған азамат ТЖМ қызметкерлеріне жеделдігі мен кәсібилігі үшін алғысын білдірді.