«Жайсан» өткізу пункті арқылы Ресейден вейптерді заңсыз әкелу дерегі тоқтатылды

«Жайсан-автомобиль» шекаралық өткізу пунктінде Ресей Федерациясынан келе жатқан екі жүк көлігі ұсталды, деп хабарлайды Almaty.tv.

ҚР Қаржылық мониторинг агенттігінің мәліметінше, тексеру барысында тыйым салынған өнімдердің ірі партиясы анықталған.

Атап айтқанда:

• 13 мың электрондық тұтыну жүйесі (вейп);
• 2 мың дана вейпке арналған сұйықтық;
• 14 мың дана шылымсыз темекі өнімдері.

Аталған факті бойынша екі азаматқа қатысты сот үкімі шығарылды. Олар 6 ай мерзімге бас бостандығынан айырылды.

Жалпы құны 26 млн теңге құрайтын вейптер тасымалданған көлік құралдары тәркіленді.

Сот үкімі заңды күшіне енген жоқ.

Оқи отырыңыз: Пәкістанда су тасқынынан қаза тапқандар саны 170 адамға жетті