Жасырын камера: Павлодар тұрғындарының қаншалықты адал екені сыналды

Павлодарда тәртіп сақшылары адамгершілікке бағытталған әлеуметтік эксперимент өткізді, деп хабарлайды Аlmaty.tv тілшісі Pavlodarnews.kz-ке сілтеме жасап. 

Шара барысында тұрғындардың адамгершілігі мен адалдығы тексерілді. Халық көп шоғырланған орындарда ер адам әдейі әмиянын «түсіріп» алады. Осы сәттегі тұрғындардың әрекеттері жасырын камера арқылы бақыланды. Әрбір өткен азамат бейжай қалмай, көмектесуге тырысты.

– Сіздер сенбейтін шығарсыздар, бірақ адамдардың 100 пайызы түскен әмиянға бей-жай қараған жоқ. Әмиянды иесіне қайтарған барлық азаматтарға алғысымызды білдіреміз, – дейді блогер Исламбек Әлжанов.

Эксперименттің басты мақсаты – тұрғындарға басқа адамның мәселесіне бейжай қарауға болмайтынын, әр адамның белсенді азаматтық ұстаным танытуы керек екенін жеткізу.

Оқи отырыңыз: Қазақстаннан Қытайға 1500 киік қалай және қашан беріледі