Жетісу облысында өзеннен аспалы темір арқан арқылы өтпек болған ер адам суға кетті

Жетісу облысында 36 жастағы ер адам арқан арқылы арғы бетке өтпек болып, суға құлап кетті, деп хабарлайды Almaty.tv.

Өзенге ағып кеткен азамат арада 2 күн өтсе де, табылған жоқ. Қазір оны іздеуге төтеншеліктерден бөлек, орман шаруашылығы мен жергілікті атқарушы орган өкілдері, сондай-ақ полиция және Қорғаныс министрлігінің бөлімшелері жұмылдырылған. Ал оқиға болған кезде түсірілген бейнежазба әлеуметтік желіде кең тарап үлгерді. Оны жоғалған азаматтың досы түсірген көрінеді.  

«Қазіргі уақытта іздестіру-құтқару жұмыстарына 98 адам, 22 бірлік техника, пилотсыз ұшу аппараты және спутниктік телефондар жұмылдырылған. Қазіргі кезде су ағынының қатты болуына және жер бедерінің қиын болуы іздестіру-құтқару жұмыстарына кедергі келтіріп жатыр. Бүгінгі таңда іздестіру жұмыстары нәтиже бермеді. Іздестіру жұмыстары жалғасуда», – деді ТЖД төтенше жағдайларды жою басқармасының бастығы Қалдыбек Төлеуұлы. 

Оқи отырыңыз: Алматыда банк ғимаратына кіріп, ақша ұрламақ болған адам ұсталды