Жезқазған – Астана бағытындағы пойыз жүк вагонымен соқтығыса жаздады

24 тамызда сағат 21:38-де Жарық – Жезқазған учаскесіндегі Қызылжар – Түйемойнақ аралығында Жезқазған – Астана бағытындағы №107 жолаушылар пойызының машинисі жылдамдығы 12 км/сағ болған кезде жолда бөгет тұрғанын байқап, пойызды шұғыл тоқтатуға мәжбүр болды. Кедергі — теміржол үстінде тұрған жүк вагоны болған, деп хабарлайды Almaty.tv тілшісі «Қазақстан темір жолы» АҚ баспасөз қызметіне сілтеме жасап.

"Локомотив бригадасының кәсіби әрі жедел әрекеттерінің арқасында ірі зардаптардың алдын алуға мүмкіндік туды. Десе де пойыз бен жүк вагоны қатты түйіскен. Қаза тапқандар жоқ, алайда кейбір жолаушылар шұғыл тоқтаудың салдарынан жеңіл жарақат алды", — делінген хабарламада.

Пойыз сағат 23:14-те сапарын қайта жалғастырды. Теміржол инфрақұрылымы мен локомотивке зақым келмегені хабарланды.

Компанияның мәліміетінше, оқиғаның себептері анықталып жатыр. Жағдайдың мән-жайын анықтау үшін оқиға орнына Қазақстан темір жолы» АҚ басқарма төрағасының орынбасары басқаратын арнайы комиссия аттанды.

Оқи отырыңыз: Алматыда 25-31 тамыз аралығында ауа райы қандай болады