Жезқазғанда есірткі жарнамасын таратқан ер адам ұсталды

Жезқазған қаласында ақшалай сыйақы үшін интернет-сайттардың мекенжайларындағы есірткі жарнамасы туралы хабарландыру қалдырған ер адам ұсталды, деп хабарлайды Almaty.tv.

Облыстық прокуратураның баспасөз қызметінен хабарлағандай,  26 жастағы жігітке сот үкім ішықты.

«Сот үкімімен кінәлі деп танылып, оған 3 жыл 6 айға бас бостандығынан айыру жазасы тағайындалды», - делінген хабарламада.

Ұлытау облысының прокуратурасы есірткі заттарын тарату және оларды жарнамалау үшін қылмыстық жауаптылық қарастырылғанын ескертеді.

Үкім заңды күшіне енбеген.

Оқи отырыңыз: Су тасқынымен күрес: Қазақстан өңірлеріндегі қазіргі жағдай қандай