Жолдағы тәртіп бақылауда: Алматыда екі күндік рейд қорытындысы жарияланды

2026 жылғы 3-4 тамыз күндері Алматы қаласының аумағында жол қозғалысы қауіпсіздігін қамтамасыз ету мақсатында жүргізілген іс-шаралар барысында Жол қозғалысы қағидаларын бұзудың 3 341 дерегі анықталды, деп хабарлайды Аlmaty.tv

Алматы қаласы прокуратурасының дерегінше, заңбұзушылықтар ішінде жол қозғалысына қатысушылардың өмірі мен денсаулығына жоғары қауіп төндіретін 190 өрескел құқықбұзушылық тіркелді.

Анықталған құқық бұзушылықтардың арасында:

• көлік құралын мас күйінде басқару – 14 дерек;
• көлік құралын басқару құқығынан айырылған адамдардың көлік басқаруы – 3 дерек;
• маневр жасау қағидаларын бұзу, оның ішінде қауіпті маневр жасау («шашка») – 158 дерек;
• жалған мемлекеттік тіркеу нөмірлік белгілері бар көлік құралдарын пайдалану және басқару – 2 дерек;
• қауіпсіздік белдігін тақпау – 115 дерек;
• қарсы бағыттағы қозғалыс жолағына шығу – 13 дерек;
• көлік құралын басқару кезінде ұялы телефонды пайдалану – 89 дерек.

Бұдан бөлек, 122 көлік құралы мамандандырылған айып тұрағына қойылды.

Оқи отырыңыз: Президент«Бәйтерек» холдингінің басқарма төрағасын қабылдады