Абзал Әжіғалиев пен Денис Никиша Олимпиаданың жартылай финалына өтті

Бейжің Олимпиадасында шорт-тректен 500 метрге жарысудан ширек финал аяқталды, деп хабарлайды Almaty.tv тілшісі Olympic.kz сайтына сілтеме жасап.

Бұл кезеңде Қазақстан атынан үш спортшы бақ сынап, екеуі келесі айналымға өтті.

Денис Никиша мен Абзал Әжіғалиев жартылай финалға жолдама алды. Денистің уақыт көрсеткіші жартылай финалға өткен спортшылар арасында екінші орында.

Ал Әділ Ғалиахметов 1/4 айналымда Олимпиаданы аяқтады. Ол келесі кезеңге өте алмады.