Жаңбыр, жел, бұршақ: 19 мамырға арналған ауа райы болжамы

Синоптиктер Қазақстандағы 19 мамырға арналған ауа райы болжамын ұсынды, деп хабарлайды Almaty.tv.

"Қазгидромет" РМК мәліметінше, еліміздің басым бөлігінде ауа райы тұрақсыз болады. Күн күркіреп, оңтүстік пен оңтүстік-шығыстың таулы аймақтарында қатты жаңбыр, бұршақ жауады. Тек республиканың шығысында және шеткі солтүстігінде антициклонның ықпалынан жауын-шашынсыз ауа райы сақталады. Ел аумағында жел күшейеді деп болжанды.

"Солтүстік Қазақстан, Павлодар облыстарының топырақ бетінде, Шығыс Қазақстан облысының шығысында, түнде солтүстікте 1-3 градус аяз болады. Павлодардың орталығы мен шығысында, Ұлытаудың шығысында, Қарағанды, Қызылорда облыстарының батысында, солтүстігінде, оңтүстігінде жоғары өрт қаупі болжанды", - делінген хабарламада.

Астанада көшпелі бұлт шығады, түнде жаңбыр жауады. Шығыстан соғатын жел екпіні секундына - 9-14 метр, күндіз 15-20 метр. Ауа температурасы түнде +6+8°С, күндіз +17+19°С.

Алматыда көшпелі бұлт шығады, күндіз жаңбыр жауады, найзағай ойнайды, бұршақ жауады. Батыстан соғатын жел екпіні секундына - 2-7 метр. Ауа температурасы түнде +12+14°С, күндіз +20+22°С.

Шымкентте көшпелі бұлт шығады, өткінші жаңбыр жауады, найзағай ойнайды, бұрқасын болады. Оңтүстік-батыстан соғатын желдің күші секундына - 8-13 метр, найзағайдың екпіні секундына - 15-20 метр. Ауа температурасы түнде +12+14°С, күндіз +25+27°С.