Қатты жел тұрып, бұрқасын болады: 11 қарашаға арналған ауа райы болжамы

«Қазгидромет» 11 қарашаға арналған ауа райы болжамын жариялады, деп хабарлайды Almaty.tv.

Ақтөбе облысында көктайғақ, бұрқасын соғады. Облыстың шығысында желдің күші секундына 5-20 метрге артады.

Қарағанды облысында, Батыс пен Оңтүстік Қазақстанда, Жамбыл облыстарының таулы аудандарында тұман түсуі ықтимал.

Павлодар облысында көктайғақ, бұрқасын болады. Облыста жел екпіні секундына 15-20 метрге дейін жетеді.

Ақмола облысында көктайғақ, бұрқасын соғып, желдің күші секундына 15-20 метрге дейін артады.

Қостанай облысында, Солтүстік Қазақстанда жел секундына 15-20 метр жылдамдықта соғады. Облыс аумағында тұман түсуі ықтимал.

Маңғыстау облысында жел екпіні секундына 15-20 метрге артады.

Атырау, Қызылорда облыстарында желдің күші секундына 15-20 метрге жетсе, Алматы мен Шығыс Қазақстан облыстарынада жел екпіні секундына 15-23 метрге артады.