Қазақстанның кей өңірінде құрғақшылық болады

«Қазгидромет» РМК болжамына сәйкес маусымда Қазақстанның басым аймағында ылғалдану жағдайы көбінесе нормаға жуық болады, деп хабарлайды Almaty.tv.

Сонымен қатар солтүстік-батыстың жеке аудандарында, елдің оңтүстігінде, сондай-ақ солтүстікте және орталықта құрғақшылық болуы мүмкін.

Бірқалыпты құрғақшылық:

Ақтөбе облысының Әйтеке би, Ырғыз және Хромтау аудандарында;

Қостанай облысының Амангелді және Жангелдин аудандарында;

Қызылорда облысы Қармақшы ауданында;

сондай-ақ Ақмола облысының Жақсы ауданында және Қарағанды облысының Шет ауданында болуы ықтимал.