|
06.08.2022 | 10:28
19566

Еліміздің бірқатар өңірінде жаңбыр жауып, найзағай ойнайды

Еліміздің оңтүстігі мен батысында тұрақсыз ауа райы сақталады

Еліміздің бірқатар өңірінде жаңбыр жауып, найзағай ойнайды ru.sputnik.kg

Қазгидромет 6 тамызға арналған ауа райы болжамын жариялады, деп хабарлайды Almaty.tv.

Қызылорда облысының орталығында, шығысында найзағай ойнап, дауыл соғады. Солтүстіктен, солтүстік-шығыстан соққан желдің екпіні 23 м/с жетеді.  Облыстың басым бөлігінде төтенше өрт қаупі сақталады.

Атырау облысының шығысында 37 градус қатты ыстық болады. Облыстың солтүстігінде төтенше өрт қаупі сақталады.

Ақтөбе облысында солтүстік-шығыстан, шығыстан жел соғады, күндіз облыстың оңтүстігінде, шығысында, орталығында екпіні 15-20 м/с күтіледі.

7-8 тамызда Жамбыл облысының таулы аудандарында қатты жаңбыр күтіледі. Облыстың оңтүстігінде, солтүстік-шығысында, таулы аудандарда найзағай, бұршақ, дауыл соғады.  

Түркістан облысының солтүстігінде, батысында, таулы аудандарында найзағай, дауыл күтіледі. Солтүстік-батыстан жел соғады, найзағай кезінде желдің екпіні 15-20 м/с жетеді. Облыстың оңтүстігінде, шығысында төтенше өрт қауіпі сақталады.

Іле Алатауының кей жерлерінде найзағай ойнайды. Оңтүстік-батыстан жел соғады. Жетісу Алатауында күндіз кей жерлерде қатты жаңбыр жауып, найзағай ойнайды.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров

Прямой эфир