|
25.03.2022 | 10:55
3007

Ауа райының қолайсыздығына байланысты республикалық маңызы бар бірнеше тасжол жабылды

Қысқы жөндеу жұмыстары күшейтілген режимде жалғасып жатыр

Ауа райының қолайсыздығына байланысты республикалық маңызы бар бірнеше тасжол жабылды ktk.kz

Ауа райының қолайсыздығына байланысты республикалық маңызы бар тасжолдың бес бөлігі жабық күйінде қалды, деп хабарлайды Almaty.tv тілшісі Tengrinews.kz-ке сілтеме жасап.

"ҚазАвтоЖол" республикалық маңызы бар тасжолдың бес бөлігінде көлік қозғалысы шектелгенін хабарлады. Қар жауу, боран және нашар көрінуге байланысты қазіргі уақытта мына бағыттар жабық:

Ақмола облысы

24 наурызда сағат 18:00-ден бастап Қостанай облысында ауа райының нашарлауына байланысты Жезқазған - Петропавл автожолында барлық көлік түрлерінің қозғалысы шектелді, 377-440 километр, учаске: Қостанай облысының шекарасы - Державинск қаласы.

Қарағанды облысы

22 наурызда таңғы сағат 7:00-ден бастап Жезқазған-Петропавл автожолында барлық көлік түрлері үшін қозғалыс шектелді, километр 142-252, учаске: Сарлық ауылы-Қостанай облысының шекарасы.

24 наурызда сағат 11:45-тен бастап Екатеринбург-Алматы автожолында, 1473-1505 километрде, учаске: Солтүстік-Шығыс айналма жолы.

Қостанай облысы

2022 жылғы 22 наурызда сағат 07:45-тен бастап Қарағанды облысында ауа райының нашарлауына байланысты Жезқазған-Петропавл, 252-340 километр автожолында барлық автокөлік түрлері үшін қозғалысқа шектеу енгізілді, учаске: Қарағанды облысының шекарасы - Арқалық қаласы.

2022 жылғы 24 наурызда сағат 18:00-де ауа райының нашарлауына байланысты Жезқазған - Петропавл тас жолының 340-377 шақырымы, Арқалық қаласы-Ақмола облысының шекарасы учаскесінде көліктің барлық түрлері үшін қозғалыс шектелді.

Жолдардағы қолайсыз ауа райының зардаптарын жоюға 600-ден астам арнайы техника мен 1100 жол қызметкері жұмылдырылған. Жолдарға көктайғаққа қарсы 5500 текше метр материал жұмсалды.

Айта кетейік, 19-25 наурыз аралығында Павлодар, Ақмола, Қарағанды, Қостанай және басқа да облыстарда 112 жол шектеуі енгізілген болатын.

Қысқы жөндеу жұмыстары күшейтілген режимде жалғасып жатыр. Төтенше жағдайда 1403 қысқа нөміріне қоңырау шалу қажет.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир