|
02.07.2019 | 12:41
17166

Шілде айына арналған ауа райы болжамы

Оңтүстікте қатты ыстықтан кейін ауа температурасы +25 +33ºС-қа дейін төмендеп, нөсер жаңбыр жауады

Шілде айына арналған ауа райы болжамы news.rambler.ru

Синоптиктер шілде айында ауа райы қандай болатынын айтты, деп хабарлайды Аlmaty.tv тілшісі «Қазгидромет» РМК сілтеме жасап.

Шілде айында синоптикалық жағдай жиі өзгереді: батыс антициклондары келіп, оңтүстік циклондары кетеді. Айдың басында солтүстік өңірлерге Скандинавия аудандарынан циклон ығысады, онымен бірге дауылды жел соғады. Жаңбыр, кей жерлерде нөсер жауын жауады, сондай-ақ бұршақ, найзағай және дауыл түріндегі конвективті құбылыстар күтіледі.

Елдің солтүстігінде, солтүстік-батысында және орталығында ауа температурасы күндіз +17 +26ºС-қа дейін төмендеуі мүмкін.

Оңтүстікте қатты ыстықтан кейін ауа температурасы +25 +33ºС-қа дейін төмендеп, нөсер жаңбыр жауады.

Бірінші онкүндіктің соңына қарай ауа температурасы біртіндеп жоғарылай бастайды. Екінші және үшінші онкүндікте сынап бағанасы солтүстік, орталық пен шығыста түнде +10 +15ºС-тан +15+20ºС-қа дейін, күндіз +25 +30ºС-тан +30 +38-қа дейін құбылады.

Республиканың оңтүстік, оңтүстік-шығыс және батысында түнде +15 +20ºС-тан +20 +30ºС-қа дейін, күндіз +30 +38ºС-тан +35 +45ºС-қа дейін ауытқиды.



Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир