Қазақстанның үш қаласында қолайсыз метеорологиялық жағдай қалыптасып, ауа сапасы нашарлайды

1zoom.me

Ақтөбе, Қарағандыда (тек түнде) және Қызылорда қалаларында жайсыз метеожағдай қалыптасады

12 қаңтар күні Қазақстанның үш қаласында қолайсыз метеорологиялық жағдай қалыптасып, ауаның ластануы күтіледі, деп хабарлайды ҚазАқпарат.

Қазгидрометтің мәліметінше, Ақтөбе, Қарағандыда (тек түнде) және Қызылорда қалаларында жайсыз метеожағдай қалыптасады. Қазақстанның басқа қалаларында метеожағдай қолайлы болады деп күтіледі. Қолайсыз метеорологиялық жағдайлар - атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы. ҚМЖ жағдайында елді мекендердегі атмосфералық ауаның сапасы нашарлауы ықтимал.