|
15.09.2021 | 16:20
9192

Жаңбыр жауып, үсік жүреді: Алдағы үш күнге арналған ауа райы болжамы

16 қыркүйектен бастап елдің солтүстігінде, солтүстік-батысында және шығысында жаңбыр жауады

Жаңбыр жауып, үсік жүреді: Алдағы үш күнге арналған ауа райы болжамы stan.kz

Қазгидромет алдағы үш күнге арналған ауа райы болжамын жариялады, деп хабарлайды Almaty.tv.

Оған сәйкес, 16 қыркүйектен бастап елдің солтүстігінде, солтүстік-батысында және шығысында, ал 17 қыркүйектен бастап республиканың орталығында жаңбыр жауады.

«Қазақстанның қалған аумағында жоғары атмосфералық фронтқа байланысты ауа райы жауын-шашынсыз болады», – дейді синоптиктер.

16-18 қыркүйекте аймақтарда да ауа температурасы төмендейді. Атап айтқанда, батыста түнде сынап бағанасы 3-11-ден 1-9 градусқа дейін төмендесе, күндіз 15-23-тен 10-18 градусқа түседі. Солтүстік-батыста түнде 7-12-ден 2-7-ге градусқа дейін, ал күндіз 10-17 градусқа дейін төмендейді.

Сондай-ақ, 18 қыркүйекте солтүстікте 3 градус үсік жүреді. Күндіз 17-25-тен 10-17°C-қа, ал түнде 8-13-тен 2-10-ға дейін түседі.

Қазақстанның орталығы мен шығысында 5-15 градус жылы, күндіз температура 20-28-ден 15-25 градусқа дейін түседі. Ал оңтүстік пен оңтүстік-шығыста ауа температурасы түнде 15-20°C, күндіз 28-35 градус жылы болады.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.

Прямой эфир