Жаңбыр, қар, тұман: 10 қазанда кей өңірде күн бұзылады

"Қазгидромет" синоптиктері 10 қазанда бірнеше өңірде қолайсыз ауа райына байланысты ескерту жасады, деп хабарлайды Almaty.tv.

Батыс Қазақстан облысының батысында, солтүстігінде көктайғақ күтіледі. Түнде және таңертең облыстың солтүстігінде, шығысында тұман күтіледі. Жел солтүстік-батыстан, батыстан соғады, күндіз облыстың оңтүстігінде, батысында, солтүстігінде екпіні 15-20 м/с.

Астанада оңтүстіктен, оңтүстік-батыстан жел соғады, кей уақытта екпіні 15-20 м/с күтіледі.

Ұлытау облысының солтүстігінде, күндіз облыстың басым бөлігінде оңтүстіктен, оңтүстік-батыстан жел соғады, екпіні 15-20 м/с күтіледі.

Атырау облысында батыстан жел соғады, түнде облыстың солтүстігінде, шығысында екпіні 15-20 м/с.

Қарағанды облысының батысында, орталығында оңтүстіктен, оңтүстік-батыстан жел соғады, екпіні 15-20 м/с күтіледі.

Маңғыстау облысының солтүстік-батысында, оңтүстігінде, солтүстік-шығысында шаңды дауыл күтіледі. Солтүстік-батыстан жел соғады, түнде облыстың басым бөлігінде 15-20, екпіні 23 м/с, күндіз облыстың солтүстік-батысында, оңтүстігінде, солтүстік-шығысында екпіні 15-20 м/с күтіледі.

Ақтөбе облысында оңтүстік-батыстан, батыстан жел соғады, облыстың оңтүстігінде, солтүстік-шығысында екпіні 15-20 м/с күтіледі.

Қызылорда облысында оңтүстіктен соққан жел солтүстік-батысқа ауысады, күндіз облыстың солтүстігінде күші 15-20 м/с күтіледі. 10-11 қазанда облыстың басым бөлігінде төтенше өрт қаупі, облыстың батысында жоғары өрт қаупі сақталады.

Павлодар облысының батысында оңтүстіктен жел соғады, екпіні 15-20 м/с күтіледі.

Қостанай облысының батысында, солтүстігінде қатты жауын-шашын (жаңбыр, қар) жауады. Түнде және таңертең облыстың оңтүстігінде тұман күтіледі. Оңтүстік-батыстан, батыстан жел соғады, түнде басым бөлігінде 15-20, облыстың шығысында екпіні 23 м/с, күндіз облыстың солтүстігінде, шығысында екпіні 15-20 м/с.

Солтүстік Қазақстан облысының басым бөлігінде жаңбыр күтіледі. Оңтүстік-батыстан, батыстан жел соғады, түнде облыстың басым бөлігінде күші 15-20 м/с, облыстың солтүстігінде, батысында екпіні 23-28 м/с, күндіз облыстың солтүстігінде, шығысында, оңтүстігінде екпіні 15-20 м/с күтіледі.

Ақмола облысында оңтүстіктен, оңтүстік-батыстан жел соғады, екпіні 15-20 м/с күтіледі.