Қазақстанның бес өңірінде ауа райына байланысты ескерту жарияланды, деп хабарлайды «Қазгидромет» РМК.
1 шілде күні Атырау облысының кей жерлерінде найзағай жарқылдап, дауыл тұрып, бұршақ жаууы мүмкін. Жел күндіз солтүстіктен, солтүстік-батыстан 15-20 м/с жылдамдықпен соғады.
1 шілде күні Маңғыстау облысының кей жерлерінде найзағай жарқылдайды. Жел солтүстік-батыстан соғады, кей жерлерде оның жылдамдығы 15-20 м/с айналасында болады.
Ақтауда 1 шілдеде найзағай жарқылдайды. Жел солтүстік-батыстан соғады, кей жерлерде оның жылдамдығы 15-20 м/с-қа жетеді.
1 шілде күні Түркістан облысында күндіз кей жерлерде аптап ыстық 43 градустан асып түседі.
Шымкентте 1 шілдеде ауа температурасы 41 градусқа жетеді. Түркістанда 1 шілде күні ауа температурасы 41-43 градус аяналасында болады.
Алматы, Жамбыл, Қызылорда, Қостанай, Қарағанды, Түркістан облыстарында күн қатты ыстық болады.
