Бірнеше республикалық автожолда көлік қозғалысы шектелді

Ауа райының бұзылуына байланысты келесі республикалық автожолдарда көлік қозғалысына шектеу қою жоспарланып отыр, деп хабарлайды Almaty.tv тілшісі Massaget.kz-ке сілтеме жасап.

Жамбыл облысы:

• 2024 жылғы 13 қарашада сағат 13:00-де республикалық маңызы бар Алматы-Ташкент-Термез автожолының 159-238 шақырым аралығында (Отар ауылынан Қайнар ауылына дейін) көліктің барлық түрінің қозғалысына;
• 2024 жылғы 13 қарашада сағат 13:00-де республикалық маңызы бар Алматы-Ташкент-Термез автожолының 535-593 шақырым аралығында (Айша бибі ауылынан Түркістан облысының шекарасына дейін) жүк көліктерінің қозғалысына.

Түркістан облысы:

• 2024 жылғы 13 қарашада сағат 13:00-де республикалық маңызы бар Алматы-Ташкент-Термез автожолының 593-620 шақырым аралығында (Жамбыл облысының шекарасынан Тұрар Рысқұлов ауылына дейін) жүк көліктерінің қозғалысына.

Жолды 2024 жылғы 13 қараша сағат 19:00-де ашу жоспарланған.

1403 байланыс орталығына хабарласып, тәулік бойы қосымша ақпарат алуға болады.

Оқи отырыңыз: Алматыда супермаркеттің есепшісіне шабуыл жасаған күдікті ұсталды