Самарқандтағы ШЫҰ саммитінің бірінші күні қалай өтті

Самарқандта 14 мемлекеттің басшылары қатысып жатқан Шанхай ынтымақтастық ұйымы саммитінің бірінші күні өтті, деп хабарлайды Almaty.tv.

ҚР Президенті баспасөз қызметінің мәлімдеуінше, Қасым-Жомарт Тоқаевты «Silk road» туристік орталығында Өзбекстан Президенті Шавкат Мирзиёев қарсы алды. Бұл жерде Қазақстан Президенті Шанхай ынтымақтастық ұйымына мүше-мемлекеттер басшыларымен бірге «Silk road» туристік орталығында өткен тал егу рәсіміне қатысты. 

Мемлекет басшысы Самарқандтағы «Мәңгілік қала» кешеніне барып, көрмелер мен шығыс базарын тамашалады.

Мемлекет басшылары маңызды жиын алдында бейресми пікір алмасты.