Меншікті өндіріс
Біз әлеуметтік желілердеміз
Қазақстанда тағы бір партия тіркелді
Бұл туралы ҚР Әділет министрі Қанат Мусин айтты
Қазақстанда тағы бір партия тіркелді. Бұл туралы ҚР Әділет министрі Қанат Мусин айтты, деп хабарлайды Almaty.tv тілшісі ҚазАқпаратқа сілтеме жасап.
«Қазіргі таңда «Байтақ», содан кейін «Республика» партиясы тіркелді. Яғни, ресми түрде екі партия тіркеліп отыр. Басқа партиялармен жұмыс істеліп жатыр. Олар бірінші сатыдан әлі өткен жоқ. Себептері бұрынғыдай. Тапсырған құжаттары заңға сәйкес келмейді. Олар толыққанды тіркелген, барлық саяси партиялар сияқты толыққанды құқықтары бар партиялар саналады», - деді Қанат Мусин Парламент палаталарының бірлескен отырысында.
Оның айтуынша, аталған екі партияның құжаттары тексеру барысында бірнеше рет кері қайтарылған.
«Олар қайтарылған құжаттардағы кемшіліктерді жойып, тіркеуден өтіп отыр», - деді министр.