|
23.07.2019 | 11:55
9953

Нұржан Мұхамеджанова «Алматы» телеарнасының басшысы болып тағайындалды

22 июля коллективу телеканала «Алматы» представлен новый руководитель - Нуржан Мухамеджанова

Нұржан Мұхамеджанова «Алматы» телеарнасының басшысы болып тағайындалды

Нұржан Мұхамеджанова «Алматы» телеарнасының бас директоры болып тағайындалды, деп хабарлайды Аlmaty.tv тілшісі.

«Алматы» телеарнасы директорлар кеңесінің шешімімен «Қазақ радиолары» ЖШС бұрынғы бас директоры Нұржан Мұхамеджанова «Алматы» телеарнасының бас директоры қызметіне тағайындалды», - делінген Алматы әкімдігінің сайтында.  

Мұхамеджанова Нұржан Жалауқызы еңбек жолын Қазақ радиосында балалар мен жастарға арналған бағдарламалар редакторы қызметінен бастаған.

1991 жылы Қазақ радиосының «Шалқар» ақпараттық-сараптамалық бағдарламалар редакциясының бас редакторы болып тағайындалды.

1992 - 1994 жылдары Қазақ радиосының саяси сарапшысы және Бас директордың бірінші орынбасары қызметін атқарды.

1995 - 1997 жылдары ҚР Президентінің баспасөз қызметінде енбек етті.

1997 - 2006 жылдары Қазақстандағы Internews Network Халықаралық ұйымы өкілдігінің директор орынбасары, атқарушы директоры болды.

2006 - 2011 жылдары «31 телеарнасына» жетекшілік етті.

2011 жылдың шілде айынан бастап, 2016 жылдың қазан айына дейін «Қазақстан» АҚ ТРК Басқарма Төрайымы қызметін атқарды. 2016 жылдан бүгінгі күнге дейін «31 арнаның» Бас продюсері, «Қазақстан» АҚ ТРК құрамындағы «Қазақ Радиолары» ЖШС Бас директоры қызметінде болды. 

Қазақстан Республикасының Еңбек сіңірген қайраткері.

Айта кетейік, осының алдында «Алматы» телеарнасын Болат Кальянбеков басқарған болатын. 10 шілдеде ол Nur Media холдингінің бас директоры болып тағайындалды.

Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир