Ташкентте Нұрсұлтан Назарбаев пен Шавкат Мирзиёев кездесті

Ташкентте Қазақстанның Тұңғыш Президенті Нұрсұлтан Назарбаев пен Өзбекстан Республикасының Президенті Шавкат Мирзиёев кездесті, деп хабарлайды ҚазАқпарат Өзбекстан президентінің баспасөз қызметіне сілтеме жасап.

Назарбаев пен Мирзиеев ОА басшылары екінші консультативтік кездесуі аясында келіссөз жүргізді. Өзбекстан басшысы Нұрсұлтан Назарбаевты Өзбекстан Республикасына келуімен құттықтап, Өзбекстанның аймақ елдері көшбасшыларының кездесуін өткізу бастамасына көрсеткен қолдауы үшін ризашылығын білдірді.

Сонымен қатар, соңғы жылдары бірлескен күш-жігердің арқасында Өзбекстан мен Қазақстан арасындағы дәстүрлі тығыз қарым-қатынастар сапалы жаңа деңгейге көтеріліп, нақты практикалық мазмұнға толы екенін атап өтті.