Қасым-Жомарт Тоқаев Біріккен Араб Әмірліктеріне ресми сапармен барды

Мемлекет басшысы Қасым-Жомарт Тоқаев Біріккен Араб Әмірліктеріне ресми сапармен барды. Бұл туралы Президенттің баспасөз хатшысы Берік Уәли өзінің әлеуметтік желісінде жазды, деп хабарлайды Almaty.tv тілшісі.  

«Бүгін Қазақстан Президенті Абу-Дабидің мұрагер ханзадасы шейх Мұхаммед бен Заид Әл Нахаянмен кездеседі. Бас қосу кезінде екі жақты ынтымақтастық мәселесі кең ауқымда талқыланбақ. Одан бөлек осы елдің іскерлік топтарының өкілдерімен дөңгелек үстел өткізу жоспарланған. Ал, ертең Қасым-Жомарт Кемелұлы аталған елдің бірнеше жоғары лауазым иелерімен кездеседі», деді ол өз парақшасында.