Меншікті өндіріс
Біз әлеуметтік желілердеміз
Тоқаев министрлер мен әкімдерге: демалысты ұмытыңдар
Мемлекет басшысының айтуынша, қазіргі кезде Қазақстан әлеуметтік-экономикалық дамудың күрделі кезеңінде тұр
Президент Қасым-Жомарт Тоқаев үкімет мүшелеріне демалысқа шығуға тыйым салды, деп хабарлайды Almaty.tv тілшісі Sputnik Қазақстанға сілтеме жасап.
«Жаздың жартысы өтіп кетті. Министрлер, әкімдер, президент аппаратының қызметкерлері болсын – ешқандай демалыс жоқ, өйткені елде төтенше жағдай орын алып отыр. Еңбек демалысы, демалыс деген сөздерді ұмытыңдар», – деді Тоқаев үкіметтің кеңейтілген отырысында.
Президент кейбір әкімдерге сөгіс жарияланып, ескерту жасалғанын еске салды.
«Жалпы мұндай жазаға бүкіл облыс басшылары мен министрлер лайық», – деді мемлекет басшысы.
Тоқаев Қазақстан әлеуметтік-экономикалық дамудың күрделі кезеңінде тұрғанын айтты. Үкімет пен әкімдер тарапынан дағдарыстан шығу үшін батыл әрі жанкешті іс-қимыл қажет.