Алматы әкімі Қазақстандағы АҚШ Елшісінің орынбасары Теодор Лингпен кездесті

пресс-служба акима

Алматыда 181 кәсіпорын американдық капиталмен жұмыс істейді

Бақытжан Сағынтаев Қазақстандағы АҚШ Елшісінің орынбасары Теодор Лингті қабылдады. Кездесу барысында тараптар инвестициялық және гуманитарлық ынтымақтастықты дамыту мәселелерін талқылады, деп хабарлайды Almaty.tv тілшісі.

Бүгінде Алматыда американдық капиталмен телекоммуникация, қаржы және сауда салаларында 181 кәсіпорын жемісті жұмыс істейді. Алматы мен АҚШ арасындағы тауар айналымы биылғы 5 айда 9%-ға өскен. Шаһар басшысы өз сөзінде, Теодор Лингке мегаполистің даму концепциясы туралы айтып берді. Ал, АҚШ елшісінің орынбасары, Алматының екі мемлекет арасындағы сауда-экономикалық байланысын нығайтуда үлкен рөлі барын атап өтті. Әрі инвестициялық, гуманитарлық байланысты әрмен қарай дамытуға дайын екенін жеткізді.