Қасым-Жомарт Тоқаев бүгін бейнеүндеу жасайды

Жиынның тікелей көрсетілімін БҰҰ-ның веб-сайтынан көруге болады

Бүгін, яғни 25 мамырда Мемлекет басшысы Қасым-Жомарт Тоқаев өндіруші салалардағы мәселелер жөніндегі жаһандық дөңгелек үстел отырысында бейнеүндеу жасайды. Бұл туралы Президенттің баспасөз хатшысы Берік Уәли өзінің Facebook-тегі парақшасында жазды, деп хабарлайды Almaty.tv.

Бүгін Нұр-Сұлтан қаласының уақыты бойынша шамамен сағат 20:00-де Мемлекет басшысы Қасым-Жомарт Тоқаев өндіруші салалардағы мәселелер жөніндегі жаһандық дөңгелек үстел отырысында бейнеүндеу жасайды.

«Мемлекеттер мен үкіметтер басшылары деңгейіндегі бұл виртуалды форум БҰҰ Бас хатшысы Антониу Гутерриштің бастамасымен өтеді»,– деп жазады Берік Уәли.

Жиынның тікелей көрсетілімін БҰҰ-ның веб-сайтынан көруге болады.