«Ақ Жол» демократиялық партиясының өкілдері елордада өткен 15-съезде өз қатарынан президенттікке үміткерді бекітті деп хабарлайды Almaty.tv тілшісі.
Екі жүзден астам партия өкілі жиналған басқосуда ақжолдықтар саяси додаға лайықты және президент лауазымына қауқары мен білімі жетеді деген оймен өз қатарларынан Дания Еспаеваны таңдады.
1961 жылы дүниеге келген партия өкілі қаржы саласының маманы. Ақпарат көздеріне сенсек, Еспаева тұрмыс құрған, екі баланың анасы. Осыдан үш жыл бұрын Парламенттің бесінші шақырылымында мәжіліс депутаты болған. Бюджет пен қаржы комитетінде қызмет еткен. Содан кейін Ақтөбе облысының мәслихаты депутаты лауазымын атқарған.
