Алматыда Елбасының «Елдіктің жеті тұғыры» атты қағидаттар жиынтығы талқыланды

Бүгін «Нұр Отан» партиясының Алматы қалалық филиалында Елбасының «Елдіктің жеті тұғыры» атты қағидаттар жиынтығын талқылау бойынша кеңейтілген отырыс өтті, деп хабарлайды Almaty.tv тілшісі.    

Жиында елге еңбегі сіңген тұлғалар сөз сөйлеп, жеті тұғырдың әрқайсысына тоқталып өтті. Елбасының білім мен еңбекке аса көңіл бөлуі – білімді ұрпақ пен жарқын болашақтың кілті дейді  Қазақстанның тұңғыш Еңбек Ері, ұстаз Аягүл Төреқызы.  

«Тәуелсіздік алған кездері қиын жағдайда қалсақ та, білім саласына ол кісі көп еңбек сіңіріп, алға жылжытты. Тіпті, ешкімнің ойына келмеген «Болашақ» бағдарламасын өмірге әкелуі Елбасының данышпандағы деп білемін», – деді ҚР тұңғыш Еңбек Ері, ұстаз Аягүл Миразова.