Қасым-Жомарт Тоқаев пен Эмомали Рахмон Бірлескен мәлімдеме қабылдады

Қазақстан және Тәжікстан басшылары Бірлескен мәлімдеме қабылдады, деп хабарлайды Almaty.tv.

Бұл туралы Ақорданың баспасөз қызметі хабарлады. 

"Келіссөз қорытындысы бойынша Президент Қасым-Жомарт Тоқаев пен Президент Эмомали Рахмон Қазақстан Республикасы мен Тәжікстан Республикасы арасындағы ынтымақтастықты одан әрі дамытудың басым бағыттарын айқындайтын Бірлескен мәлімдеме қабылдады", - делінген хабарламада.

Айта кетейік, Қасым-Жомарт Тоқаев қазақ пен тәжік халықтарын ғасырлар бойғы достық пен ортақ рухани құндылықтар байланыстыратынын атап өтіп, Қожа Ахмет Ясауи мұрасының маңызына тоқталған еді. Сондай-ақ Эмомали Рахмонды Қазақстан мен Тәжікстан арасындағы достық пен одақтастық қатынастарды дамытуға қосқан үлесі үшін Қожа Ахмет Ясауи орденімен марапаттаған болатын.

Оқи отырыңыз: Мемлекет басшысы Тәжікстан президентін Qoja Ahmet Yasaui орденімен марапаттады