Мемлекет басшысы Сербия президентіне құттықтау жеделхатын жолдады

Ақорда

Қасым-Жомарт Тоқаев серб халқының өсіп-өркендей беруіне тілектестігін білдірді

Қасым-Жомарт Тоқаев Александр Вучичті Сербияның Мемлекеттілік күнімен құттықтады, деп хабарлайды Аlmaty.tv Ақорданың баспасөз қызметіне сілтеме жасап.

"Қазақстан Президенті жеделхатында Сербияны Балқан түбегіндегі дамуы тұрақты, инфрақұрылымы өркендеген әрі мәдени мұрасы бай ел ретінде атап өтті", - делінген хабарламада.

Мемлекет басшысы екіжақты ынтымақтастықты одан әрі нығайтуға ниетті екенін растады.

Қасым-Жомарт Тоқаев Президент Александр Вучичке жылы лебізін жеткізіп, серб халқының өсіп-өркендей беруіне тілектестігін білдірді.

Оқи отырыңыз: Қазақстан ЮНЕСКО-ның жаһандық ынтымақтастық орталығына айналады