«Білім алуға жылдық өсімі 2-3 пайыз болатын жеңілдетілген несие беріледі». Президент жолдауында қамтылған негізгі бағдарлардың бірі осы еді. Оқуға қолжетімділікті кеңейту тақырыбын арқау еткен жиын бүгін Инновациялық техникалық колледжінде де өтті, деп хабарлайды Almaty.tv.
Оқытушылар мен студенттер қатысқан басқосуда мемлекет басшысының Жолдауда көтерген басқа да бастамаларына қатысты баяндама жасалды.
«AMANAT» партиясының мүшелерімен бірігіп отырып, колледж ұжымымен Қасым-Жомарт Тоқаевтың Жолдауын талқыладық. Соның ішінде үшінші реформа бізге өте маңызды. Бұл білім саласына қатысты реформа. Ұжымдағы мұғалімдер, оқытушылар қолдады», – деді Инновациялық техникалық колледж директорының орынбасары Бағила Ұсманова.
