Павлодарда бір аптада дәрі-дәрмекті алып-сатудың 20 фактісі анықталды

Полиция қызметкерлері дәрі-дәрмектерді заңсыз сатуға байланысты құқық бұзушылықтарды анықтау бойынша әлеуметтік желілерге тұрақты негізде мониторинг жүргізеді, деп хабарлайды Almaty.tv тілшісі pavlodarnews.kz-ке сілтеме жасап.

Облыстық полиция департаменті баспасөз қызметінің мәлімдеуінше, барлық құқық бұзушылықтар 6-11 шілде аралығында жедел-іздестіру іс-шараларын жүргізу барысында анықталған.

«Барлық факті бойынша материалдар жиналып, Павлодар облысының тауарлар мен қызметтердің сапасы мен қауіпсіздігін бақылау департаментіне жіберілді.  Аталған фактілерге қатысты құқықтық баға еліміздің заңнамасына сәйкес берілетін болады», – дейді департаменттің баспасөз қызметі.

Алынған дәрілік препараттар пациенттерді емдеуде одан әрі пайдалану мақсатында тиісті органдарға беріледі.

Тәртіп сақшылары азаматтар дәрі-дәрмектердің бағасын көтерудің негізсіз фактілерін анықтаған жағдайда "102" телефоны бойынша полицияға хабарласу керектігін еске салады.