|
31.05.2023 | 09:20
328

Атырау облысында жасөспірім аттан құлап, суға батып кетті

Жергілікті тұрғындар баланың денесін алып шығып туыстарына тапсырған

Атырау облысында жасөспірім аттан құлап, суға батып кетті Атырау облысы ТЖД

Атырау облысында атта отырған бала суға құлап, мерт болды, деп хабарлайды Almaty.tv тілшісі Tengrinews.kz-ке сілтеме жасап.

Қайғылы оқиға 30 мамырда сағат 15:00 шамасында Құрманғазы ауданындағы Сафон ауылында болған. Құтқарушыларға 12 жастағы бала абайсызда суға түсіп кеткені туралы хабар түскен. Артынша бала атта отырған сәтінде суға түсіп кеткені анықталды.

15:30-да жергілікті тұрғындар баланың денесін алып шығып туыстарына тапсырған.

Еске салайық, жақында тағы бір бала суға батып кеткен болатын. Құрманғазы ауданында 15 жастағы бала тыйым салынған жерде суға түскен.


Біздің Telegram каналына жазылып, соңғы ақпаратты оқыңыз. Егер хабарлама жолдағыңыз келсе, WhatsApp мессенжеріне жазыңыз.
Новости партнеров
След. →
Прямой эфир